Канад Улс Тайланд руу аялах иргэддээ дахин анхааруулга гаргалаа

Канадын Засгийн газар 2025 оны 6-р сарын 16-нд Тайланд улсад зорчихтой холбоотой шинэ аяллын анхааруулга гаргалаа. Ойрхи Дорнодын нөхцөл байдлын дараа анхаарлаа Зүүн Өмнөд Ази руу шилжүүлсэн тус улс хамгийн олон жуулчин хүлээн авдаг орнуудын нэг болох Тайландыг онцолсон байна.

Тайландын Чианг Май, Пхукет, Бангкок зэрэг жуулчдын очих дуртай газрууд жил бүр мянга мянган хүнийг татдаг хэдий ч улс даяар аюулгүй байдлын нөхцөл ижил биш юм. Иймээс аль бүс рүү зорчихгүй байхыг мэдэх нь аяллын үеэрх эрсдэлээс сэргийлэх чухал хүчин зүйл болоод байна.

---

“Бүх төрлийн аяллаас зайлсхийх” зөвлөмж гарсан бүс нутгууд

Канадын Засгийн газар дараах өмнөд мужуудад бүх төрлийн аяллаас зайлсхийхийг иргэддээ анхааруулж байна. Үүнд:

• Наративат

• Паттани

• Сонгкла

• Яла

Эдгээр мужууд нь Малайзтай хиллэдэг бөгөөд тусгаарлах үзэлт зэвсэгт бүлэглэлүүдийн халдлагад өртөх эрсдэл өндөр. Халдлагууд нь ихэвчлэн буудлага, дэлбэрэлт, гал тавих хэлбэртэй байдаг бөгөөд цэргийн бааз, төрийн байгууллага, аюулгүй байдлын алба хаагчдыг онилдог. Гэсэн ч олон нийтийн газар ч мөн халдлага гарч байгааг анхааруулжээ.

Цэргийн онц байдал эдгээр бүс нутагт хэрэгжиж байгаа тул эрх баригчид сэжигтнийг шүүхийн шийдвэргүйгээр баривчлах, эд зүйлс хураах, нэгжлэг хийх, хөл хорио тогтоох зэрэг эрх мэдэлтэй болсон байна.

---

Хилийн бүс нутгуудад болгоомжтой байхыг зөвлөж байна

Канадын Засгийн газар мөн Мае Хонг Сон, Так зэрэг Тайланд–Мьянмарын хилийн бүсүүдэд өндөр түвшний болгоомжтой байх зөвлөмж гаргасан. Эдгээр газар хар тамхины бүлэглэл болон төрийн хүчний хооронд мөргөлдөөн гардаг. Хил заримдаа урьдчилан мэдэгдэлгүйгээр хаагдаж болох тул зөвхөн албан ёсны боомтоор, шаардлагатай бичиг баримттай зорчихыг сануулжээ.

Мөн 2025 оны 5-р сарын 28-нд Тайланд болон Камбожийн хилийн орчимд гарсан зэвсэгт мөргөлдөөнөөс хойш бүс нутагт цэргийн хүчний оролцоо нэмэгдсэн тул газар нутгаар хил давах гэж буй иргэд болгоомжтой байх шаардлагатай.

---

Бангкок хотод улс төрийн тогтворгүй байдал үргэлжилж байна

Бангкок хотод улс төрийн нөхцөл байдал тогтворгүй байгааг онцолж, Канадын Засгийн газар иргэддээ анхаарал болгоомжтой байхыг уриалж байна. Хууль эрх зүйн хүрээнд цэргийн хүч хөдөлгөөнийг хязгаарлах, зэвсэг шалгах, хөл хорио тогтоох, мэдээллийг хянах, олон нийтийн цуглааныг хориглох зэрэг эрх мэдлийг эдэлж байгаа аж.

Жагсаалын үеэр цэрэг хүч хэрэглэж болзошгүй, хяналтын цэгүүд нэмэгдэх, зарим вэб сайт, телевиз, радио, цахим сүлжээ түр хугацаагаар хаагдаж болзошгүй тул жуулчид мэдээлэлтэй байж, нөхцөл байдлыг анхаарах нь зүйтэй юм.

---

Канадын Засгийн газрын сүүлийн үеийн аяллын анхааруулгууд

Канад улс аялалд нөлөөлж болох эрсдлүүд, байгалийн гамшиг, улс төрийн тогтворгүй байдалтай холбоотойгоор анхааруулгаа тогтмол шинэчилдэг. Жишээлбэл:

• Мексикт Эррик хар салхи ойртож буйтай холбогдуулан Байя де Уатулко болон Пунта Мальдонадо хооронд аялал хийхгүй байхыг зөвлөсөн.

• Ойрхи Дорнодын бүсэд аяллын бүх анхааруулгуудыг шинэчилсэн.

• Лос Анжелес руу зорчих жуулчдад жагсаал, үймээний эрсдэлтэй холбоотой гурван шатлалтай анхааруулга гаргасан.

 

Фукуок арлын баруун хойд эрэгт орших Бай Дай хотод байрладаг тус цэцэрлэгт хүрээлэн нь Вьетнамын хамгийн том амьтан судлалын цэцэрлэгт хүрээлэн гэдгээрээ алдартай. Үлгэрийн мэт тохижуулсан тус цэцэрлэгт хүрээлэнд яст мэлхий, фламинго шувуу, сармагчин, арслан, заан, бар, ирвэс, матар, анааш, тоть гээд байхгүй амьтан үгүй мэт санагдана. Хамгийн гол нь амьтдаа торлохоос илүүтэй яг л тэдний амьдарч буй газарт нь бид зочилж байгаа мэт орчин бүрдүүлсэн нь онцгой сэтгэгдэл төрүүлнэ. Тус цэцэрлэгт хүрээлэн дэлхийд томдоо ордог учраас аялагчид явганаар тойрч бүгдийг үзэх боломжгүй. Тиймээс аюул багатай амьтдыг үзүүлэхдээ хэдийнэ бидний танил болсон түктүкийг ашиглах бөгөөд амьтан тус бүрт ойртон ирэхэд тухайн амьтны талаарх мэдээллийг чанга яригчаар англи хэлээр өгч байгаа нь аялагчид богино хугацаанд олон төрлийн амьтан үзэх, тэдний талаарх мэдээллийг хөтөчтэй мэт авах боломжийг олгоно.

Вьетнамын Фукуок аралд байрлах Vinpearl Safari Phu Quoc нь тус улсын анхны хагас зэрлэг амьтдын хамгаалалтын цогцолбор бөгөөд 380 га талбайг хамарсан, 190 гаруй зүйлийн 4,200 гаруй амьтдыг хамгаалан өсгөж буй томоохон парк юм. 

Харин зэрлэг амьтны хэсэгт тусгай зориулалтын автобус болон хөтөчтэй нэвтрэх бөгөөд зам дээр нь хүрэн баавгай хэнэггүйхэн зогсож байна. Тэнд араатны хаан арслан модны сүүдэрт тухлан, дээрээс төөнөх наранд нүдээ анин зүүрмэглэнэ. Хажууханд нь байсан эрслэн бидний өөдөөс зүүрмэглэн эвшээхэд түүний аман дахь араа соёо нь харагдаж байгаагаасаа аюултай амьтан шүү гэдгийг илтгэх шиг сүрдэм харагдана. Автобус дүүрэн аялагчид түүний араа соёог хараад дуу алдан бишрэв. Цаашлаад зураг дээрээс л харж байсан хирсний гэр бүл нааш, цааш хийцгүйрэн алхана. Тэдний хамар дээрх соёоноос хэн хүнгүй сүрдэнэ. Түүний шавар элс болсон том бие, юуг ч бутарган хагалж чадах соёо дуу алдуулам. Бие дээрх судлыг нь ижил хэмжээгээр жигдрүүлж будчихсан мэт хар цагаан холилдсон тахийн сүргийг харахад цаанаа нэг үзэсгэлэнтэй. Эрээн тахь нь хар, цагаан судалтай онцлог зүсээрээ хамгийн их алдаршсан Африкийн адууны овгийн зүйл гэдгийг хөтөч онцлоод тахь бүрийн судал өөр өөр байдаг гэв. Ойролцойгоор 2.3 м урт, 1.25-1.5 м өндөр, 300 кг жинтэй. Зарим нь 410 кг жин татах ч тохиолдол байдаг аж. Модны сүүдэрт тухлах эхийнхээ ард, урдуур нь гүйх жижигхэн эрээн тахь олны хайрыг хүлээв. Төд удалгүй тус амьтны хүрээлэнгийн хамгийн алдартай амьтан болох анаашны ертөнцөд ирэв. Тэд тийм өндөр учраас ийм амгалан байдаг юм уу гэлтэй. Хаанаас нь ч харсан хайр татам. Бүр анааш хооллох тусгай хэсэг хүртэл байгуулж тодорхой хэмжээний мөнгө төлөөд тэднийг өөрийн гараар хооолох боломж олгосон нь аялагчдын сонирхлыг татаж байна. Тус цэцэрлэгт хүрээлэнгээр 3-4 цаг тойрон аялахад ч цаана нь үзээгүй амьтан, хараагүй орчин үлдэж байх жишээтэй. Амтны хүрээлэн гэдэг  торон дотор хэдхэн төрлийн амьтан хийчихээд түүнийгээ алсаас харуулахыг хэлдэггүй. Харин амьтдынхаа амьдрах орчин, амьдарлын хэв маяг орчинг нь бүрдүүлж тэр дотроо аялагчдыг оруулж амьтдын ертөнцөөр аялах боломжийг олгодог.

 

Фукуок арлын Grand World бол Вьетнамын хамгийн том аялал жуулчлал, соёл, худалдаа, зугаа цэнгэлийн цогцолбор бөгөөд “Унтдаггүй хот” хэмээн нэрлэгддэг. Энэхүү 85 га талбай бүхий цогцолбор нь Европын хотуудын архитектур, Венеци маягийн суваг, дэлхийн түвшний шоу тоглолтууд, музей, дэлгүүр, ресторануудыг нэг дор багтаасан өвөрмөц газар юм. Grand World Phu Quoc бол Фукуок арлын зүрхэнд орших, соёл, зугаа цэнгэл, амралтыг нэг дор хослуулсан гайхамшигт газар юм. Таны аялал, хуримын дурсамжийг илүү онцгой болгоход энэхүү цогцолбор тусална гэдэгт итгэлтэй байна.

Хэрвээ та Фукуок арал очсон заавал очиж үзэх ёстой газрын нэг юм. Энд та Европын хэв маягийн үзэсгэлэнт архитектур, олон төрлийн үзвэр үйлчилгээ, дэлгүүр, зоогийн газруудыг нэг дороос үзэх боломжтой. Голын эрэг дагуух худалдаа үйлчилгээний хэсгүүд өдрийн цагаар яг л үлгэр ордон мэт харагдана. Үйлчлүүлэгч нэг бүрээ мэдлэн угтаж хүндлэн үднэ. Үйлчилгээний соёл, харилцаа хандлага, шоу урлагийг цогцоор нь хөгжүүлсэн бас нэгэн гайхамшигт хэсэг. Яг л Италийн Венецийн гудамжаар хөндлөн гулд давхих мэт тансах тохижуулалт бүхий усан завиар аялаж, олон улсын амтат хоолоор үйлчилэх зоогийн газрууд, хүний хэрэгцээ цөм бүрэн дэлгүүрүүд, хөл массажны алдарт бариаг ч орхигдуулж үл болно.

“Hi Madam” гэдэг үгийг эелдэг зөөлнөөр өдөрт хэдэн зуун удаа давтан хэлсэн ч тэд хийж байгаа ажилдаа сэтгэлээ бүрэн шингээж нэг ч болов хүнд хүрч үйлчлэхийг зорино. Наран шингэж үдэж болоход усан дээрх урлагийн үзүүлбэр, гэрлийн шоу, буудлагын салютын тоглолтоор үргэлжлэнэ. Үйлчилгээний газрууд уг тоглолтыг хамгийн тухтай байдлаар амтат дарс, халуун хоол, хүйтэн жүүс, ус ундаагаар үйлчлүүлэнгээ үзэх боломжийг аялагчдад олгоно. Сүүлдээ суух сандал ч олдохгүй болтлоо иргэдийн хөл хөдөлгөөнд дарагдана. Ингэж л улс нь удирдлагууд нь иргэдийнхээ бизнесийг дэмжиж, бизнес эрхлэгч аж ахуйн нэгжүүд нь үйлчлүүлэгчдийнхээ сэтгэлд тултал хүрсэн үйлчилгээ үзүүлж өнөөдөр ганцаараа ирсэн хүн маргааш нь хоёулаа, гурвуулаа, аравуулаа болоод ирэх аялал жуулчлалын гинжин хэлхээг бэхжүүлж байна.

Төлбөрийн хувьд бэлэн мөнгөөр үйлчлэхээс гадна “Apple pay”, “Samsung pay” гэх мэт олон улс хоорондын үйлчилгээг ашиглах боломжтой юм. Дэлхий бөөрөнхий биш хавтгай болж улам л даяаршиж байна. Өмнө нь англи хэлгүй л бол дэлхийд гарах боломжгүй мэт санагддаг байсан цаг ард үлдэж цахим технологийн тусламжтайгаар дэлхийн хаана ч аяласан газардахгүй, ганцаардахгүй болжээ. Хамгийн наад зах нь тэд хэний ч өөдөөс найрсагаар инээж, бас бөхөлзөж чадаж байна. Тэд үйлчилгээгээ өндөр түвшинд үзүүлээд “Дараа дахин ирээрэй. Дахин ирвэл хөнгөлөлт үзүүлнэ ээ” гээд гар даллан, нуруу бөхөлзөн үдэж байна. Монголчилвол Сүхбаатар аймгийн Дарьганга сумын Ганга нуурт жил бүр мянга мянган хун чуулдаг шиг Вьетнам улсын Фукуок аралд дэлхийн олон орны мянга мянган хүн чуулж байна

 

 

 

 

 

 

 

 

 

 

 

 

 

1. Фукуок үнэндээ Вьетнам улсын газар нутаг биш байсан.

Францын колончлолын үед Фукуок арал үнэндээ Камбож улсын газар нутаг байжээ. Гэхдээ Вьетнам Францын колончлолооос гарах үед энэхүү арлыг Камбож улс авахыг хүсээгүй тул Вьетнамын газар нутаг болж үлдсэн байна. Тиймээс Фукуок арлаас хамгийн ойр Вьетнамын эх газарт 1 цаг нисч хүрдэг бол Камбож улс ердөө 4км зайтай.

2. Фукуок гэдэг нь Баян  гэсэн утгатай үг.

Загасчлал, перец болон сувдны олборлолтоор тэргүүлэгч Фукуок аралд 99 уул, 4 том гол бий. Далайн дунд байрладаг ч том цэнгэг устай голуудтай учир хүн ам сууршин, аж үйлдвэрлэл хөгжих таатай нөхцөл бүрджээ.

3. Фукуок аралд уугуул иргэдээс илүү зочид бий.

Фукуок арал нийт 500 мянга гаруй орчин суугчидтайгаас уугуул оршин суугчид ердөө 100 гаруй мянга бол үлдсэн 400 мянга нь арлын аялал жуулчлал, аж үйлдвэрийн салбарт ажиллахаар ирсэн түр оршин суугчид байдаг. Мөн жил бүр 6 сая жуулчин Фукуок арлыг зорин очдог байна.

4. Фукуок банхар???

Фукуок аралд Ridgeback гэх нохойн үүлдэр байх бөгөөд Вьетнамын Нюнг Нан хаан эх газарт тулаанд ялагдан газар нутгаа алдаад, Фукуок аралд зугатаж ирэхдээ энэ үүлдрийн нохдыг өөрийн анч нохой болгон сургаж байжээ. Өдгөө Ridgeback үүлдрийн ноход нь Зүүн өмнөд Азийн хамгийн алдартай анч нохдын нэгт тооцогддог.

5. Органик соус

Фукуок арал загасны соусаараа алдартай. Фукуокт зөвхөн байгалийн аргаар буюу элдэв химийн нэмэгдэлгүйгээр шавар вааранд исгэж загасны соус гаргаж авдаг бөгөөд энэ нь өөр хаана ч байхгүй хүчтэй, давслаг амттай. 12тонн загаснаас 3,5тн соус гардаг.

6. Хямд торго

Фукуок арлын оршин суугчид хүр хорхойн торгыг байгальд ээлтэй уламжлалт аргаар гарган авдаг. Энэхүү торго нь өндөр чанартай, удаан эдэлгээтэй, бактери үржүүлдэггүй гэх мэт олон давуу талтай бөгөөд хөнжил, орны даавуу зэрэг чанарын торгон эдлэлийг харьцангуй хямдаар авах боломжтой байдаг.

7. Час хийсэн амт

17-р зуунд Мин улс мөхөх үед Макку гэх Мин улсын жанжин Хятад дүрвэгчидтэй хамт Хайнанаас Фукуокруу дүрвэхдээ Хайнань перецийг авчран нутагшуулжээ. Энэ нь Фукуок арлын өөрийн хөрсний онцлогт зохицсоноор одоогийн амт, үнэр сайтай перецийн төрөл бий болжээ. Фукуок арал жилдээ 400тонн перец экспортолдог .

Фукуокт юу хийвэл хамгийн сонирхолтой вэ гэж хайж байна уу?

Энэхүү арал нь таныг гялалзсан наран шарлагын газрууд, сэтгэл хөдөлгөм адал явдлаар дүүрэн VinWonders парк, зэрлэг амьтдын ертөнцтэй танилцах боломжтой Vinpearl Safari, баялаг соёл уламжлал, амар тайван хөдөө нутгийн уур амьсгал болон амтат орон нутгийн хоолоор угтана.
Арал дээрх шилдэг туршлагуудыг мэдэж авахыг хүсвэл доорх нийтлэлийг заавал уншаарай!

1.1. Фукуок арлын байршил

Фукуок бол Вьетнамын хамгийн том арал бөгөөд Кьенжанг мужийн харьяа, Тайландын буланд байрладаг. Арал нь нийт 22 арлаас бүрдэх архипелагийн гол хэсэг бөгөөд 567 км² талбайг хамардаг. Хойд талаас урд руу үргэлжилсэн 99 уул, толгод бүхий газарзүйн тогтоц нь тунгалаг эрэг дагуух үзэсгэлэнт байгальтай хосолдог.

Цаг агаар:

• Хуурай улирал (11-р сараас 4-р сар): Нарлаг, аялалд тохиромжтой
• Бороотой улирал (5-р сараас 10-р сар): Хүчтэй бороотой
• Хамгийн халуун сарууд: 3–5-р сар (36°C хүрдэг)
• Далайн температур: 27.5°C (1-р сар) – 30.5°C (5-р сар)

Фукуок нь “Сувдан арал” гэж алдаршсан ба гайхалтай далайн эргүүд, ширэнгэн ой, усан доорх ертөнцөөрөө алдартай. Сао Бич, Гань Дао зэрэг үзэсгэлэнт наран шарлагын газруудаас гадна Ан Той архипелагийн орчмоор шумбах, шүрэн хад үзэх боломжтой. Мөн нутгийн гүн рүү ороход Трань болон Да Бан урсгалууд, түүхийн чухал дурсгал болох Фукуокын шорон зэрэг үзэх зүйл олон.

2006 онд ЮНЕСКО энэ арлыг Биосферын нөөц газар болгон бүртгэсэн. Аралын соёл нь далайн амьдралтай гүн холбоотой хэвээр байна — Хам Нин тосгон нь уламжлалт загасчлалын хэв маягаа хадгалсан бол Фукуокын загасны сүмс нь улс даяар алдартай.

1.2. Фукуок аралд явах шалтгаанууд

✅ Байгалийн үзэсгэлэн
Фукуок нь дэлхийн шилдэг байгалийн арал хэмээн шалгарч, 2024 оныг хүртэл 3 жил дараалан World Travel Awards-аас шагнал хүртсэн. Travel + Leisure сэтгүүлээс дэлхийн хамгийн сэтгэл татам 2 дахь арал гэж нэрлэсэн. Сао, Кхем, Бай Дай зэрэг олон төрлийн наран шарлагын газарт амарж болох бөгөөд Ан Той архипелаг нь шумбах, шүр үзэхэд төгс.

✅ Үзвэр үйлчилгээ, соёлын амралт

• VinWonders Phu Quoc: Вьетнамын хамгийн том сэдэвт парк
• GrandWorld & Corona Casino: 24 цагийн турш нээлттэй хот, казино
• Vinpearl Safari: 380 га талбай бүхий амьтны хүрээлэн
• Pepper Gardens & Fish Sauce Factories: Соёлын аялал, амттай туршлага

✅ Олон улсын хялбар нэвтрэх боломж
Фукуокын олон улсын нисэх онгоцны буудал нь 24 хотоос шууд нислэгтэй. Азийн орнуудаас богино хугацаанд хүрч болно (Бангкокоос 1 цаг 20 минут, Сингапураас 2 цаг гэх мэт). Мөн тус арал руу 30 хоногийн визгүй зорчих боломжтой!

✅ Бүх төрлийн төсөвт тохиромжтой

• Хямдхан буудал: $20–30/шөнө
• Дундаж зочид буудал: $50–100
• Тансаг зэрэглэлийн буудал: $150+
• Хоол: $5–15/хоол
• Мотоцикл түрээс: $10/өдөр
• Аяллын багц (арал тойрох, шумбах): $15–40

2. Фукуокт юу хийх вэ?

2.1. VinWonders Phu Quoc – Хөгжөөнтэй сэдэвт парк

46.7 га талбай бүхий энэхүү парк нь Европын гудамж, Викинг тосгон, Грек-Маяа соёлын ертөнц, аквариум, усан парк гэх мэт 6 бүсэд хуваагддаг. Бүх насны хүмүүст зориулсан тоглоом, шоу нэвтрүүлэгтэй.

2.2. Vinpearl Safari Phu Quoc – Амьтны хүрээлэн

200 гаруй төрлийн, 4,000 гаруй амьтныг нутагшуулсан Вьетнамын хамгийн том хагас зэрлэг амьтны хүрээлэн. “Хүн дотор, амьтан гадаа” үзвэрээр онцлог бөгөөд зэрлэг амьтдыг ойроос харах, хооллох боломжтой. Африк үндэстний бүжиг, амьтдын тоглолт зэрэг нь сэтгэлд хоногших үйл ажиллагаа болдог.

2.3. Grand World Phu Quoc

Grand World Phu Quoc нь Phu Quoc United Center-ийн нэг хэсэг бөгөөд Европын хотуудаас санаа авсан энтертайнмент, худалдаа, баярын арга хэмжээний цогц төв юм. “Унтдаггүй хот” гэж нэрлэгддэг энэ газар 24/7 ажилладаг бөгөөд өдөр шөнөгүй олон үйл ажиллагаа өрнөдөг.

Grand World Phu Quoc-д зочилсноор та тансаг энтертайнмент, дэлгүүр хэсэх боломж, хэзээ ч зогсолтгүй баяр хөөр дүүрэн амьдралыг мэдрэх болно.

Онцлох газрууд болон дээд амжилтууд:

• Bamboo Legend: Вьетнамын хамгийн том хулсан байгууламж.
• Teddy Bear Museum: Вьетнамд анх удаа байгуулагдсан тедди баавгайн музей.
• The Quintessence of Vietnam Show: Вьетнамын соёлыг 3D маппинг технологиор харуулдаг дээд амжилттай мультимедиа шоу.
• The Charm of Venice Show: Европын соёлоос санаа авсан Вьетнамын хамгийн том усан мультимедиа шоу.

2.4. Phu Quoc арлын үзэсгэлэнт наран шарлагын газрууд дээр амар тайван амрах нь

Phu Quoc арал нь олон төрлийн үзэсгэлэнт эрэг, тунгалаг устай, элсэн наран шарлагын газруудаараа алдартай. Энд та халуун уур амьсгал, амар тайван байдал, адал явдал бүхий эргийн олон төрлийн туршлагыг мэдэрч болно.

Онцлох наран шарлагын газрууд:

• Bai Dai Beach (баруун хойд эрэг): Нарийн цагаан элстэй, тунгалаг устай. Vinpearl цогцолбор бүхий тансаг амралтын бүс байрладаг.
• Starfish Beach (баруун хойд эрэг): Rach Vem гэж нэрлэгддэг энэ эрэг нь улаан далайн одуудтай ус, шүрэн загасны аж ахуй, кокосын модоор хүрээлэгдсэн байгалийн диваажин юм.
• Ganh Dau Beach: Камбожийн эргийг алсаас харах боломжтой. Хөвгүүдийн тосгон, зах, сүм хийдтэй.
• Ong Lang Beach: Элс ба хар чулуулаг ээлжилсэн эрэг бүхий, нар жаргахыг харахад тохиромжтой газар.
• Long Beach (урт эрэг): 20 км үргэлжилсэн төв болон баруун өмнөд эрэгт орших наран шарлагын газар. Амралтын газар, кафе, баар зэрэг олон төрлийн үйлчилгээтэй.
• Sao Beach (өмнөд зүүн эрэг): Цагаан элстэй, тунгалаг устай, олон төрлийн усан спорттой. Хамгийн алдартай наран шарлагын газар.
• Khem Beach (өмнөд зүүн эрэг): Тансаг амралтын газрууд, усан спорт, далайн эргийн ресторанд зоог барих боломжтой.

2.5. Phu Quoc арлын далайн адал явдалт аяллууд

Phu Quoc арал нь тансаг байгаль, цэвэр устайгаараа далайн спортод маш тохиромжтой газар юм. Энд таны туршиж болох гол үйл ажиллагаанууд:

Усан доогуур аялал – шумбах, хөвөх

Phu Quoc арал нь хоёр бүсэд шумбах, хөвөх боломжийг олгодог:

• Өмнөд эрэгт: Coral Mountain, Half-Moon Reef зэрэг газар нь шүрэн хадны элбэгтэй, олон төрлийн далайн амьтантай.
• Хойд эрэгт: Coral Jungle Reef, Border Reef зэрэг нь мөн адил үзэсгэлэнтэй шүрэн хадтай.

Арлын аялал (Island hopping)

An Thoi архипелагийн 15 арал нь бүтэн өдрийн аялалд тохиромжтой. May Rut, Gam Ghi, Fingernail арлууд нь тунгалаг устай, хөвөх, шумбахад маш сайн. Ихэнх аялалд өдрийн хоол, тоног төхөөрөмж, хөтөч багтсан байдаг.

Каяакдах

• Rach Vem: Мангров модтой бүсээр завиар аялах боломжтой.
• Cua Can River: Тайван, голын эргийн амьдралыг харах боломжтой маршрут.
• Ganh Dau: Хадан хясаа, далайн булангаар каяакдах нь ялангуяа нар жаргах үед гайхалтай.

Бусад усан спорт

• Stand-up paddle board, Jetski зэрэг спортууд Long Beach, Khem Beach, Sao Beach дээр байдаг.
• Sunset Cruise: Duong Dong, An Thoi боомтоос оройн зоогтой аяллууд явагддаг.
• Sea walking: May Rut Ngoai болон Hon Thom орчимд тусгай дуулгатай усны ёроолоор алхах сонирхолтой туршлага санал болгодог.

2.6. Phu Quoc арлын өв соёл, түүхийг нээх нь

Phu Quoc арал руу аялж буй жуулчдын хувьд түүний соёл, түүхийн дурсгалт газруудтай танилцах нь мартахын аргагүй туршлага болдог. Ариун сүм хийд, дайны дурсгалын газрууд зэргийг үзэх нь Вьетнамын шашин, түүх, загасчлалын соёлыг ойлгоход тусална.

Phu Quoc шорон

“Кокосын модны шорон” гэж нэрлэгддэг энэхүү түүхэн газар нь анх 1949 онд Францын колонийн үед байгуулсан бөгөөд тухайн үед 32,000 хүртэлх дайны хоригдлыг байрлуулдаг байв. Өдгөө музей болон түүхэн дурсгалт газар болон үйл ажиллагаа явуулж буй бөгөөд хоригдлуудын амьдрал, золиослолыг харуулсан баримт бичиг, зураг, эд өлгийн зүйлс хадгалагддаг.

Dinh Cau сүм

Тэнгисийн эрэг дээр байрлах энэ гэрэлт цамхаг-ариун сүм нь Phu Quoc арлын бэлгэдэл юм. Загасчид аялалд гарахын өмнө залбирч, аян замдаа амжилт хүсдэг. 10-р сарын сүүл (сарны тооллоор) болон Тэт баярын үеэр олон нийтийн баяр болдог. Нар жаргахыг эндээс харах үнэхээр үзэсгэлэнтэй.

Ho Quoc хийд

Phu Quoc арлын хамгийн том Буддын хийд бөгөөд орчин үеийн архитектур, уламжлалт шашны элементүүдийг хослуулсан сүр жавхлант байгууламж юм. Хадтай өндөрлөг газарт байрладаг тул далайн гайхамшигтай үзэмжийг толилуулдаг.

Su Muon хийд

1930-аад онд байгуулагдсан энэхүү хийд нь жуулчдаас зайдуу тайван орчинг санал болгодог. Тус хийдэд олон залбирлын танхим, эртний модоор хүрээлэгдсэн цэцэрлэг, шашны эд өлгийн зүйлс байдаг.

Sung Hung хийд

Phu Quoc арлын хамгийн эртний хийд бөгөөд уламжлалт Вьетнамын шашны архитектураар бүтээгдсэн. Будда бурханд мөргөөд зогсохгүй, Вьетнамын баатар Нгуен Трунг Трук болон Ариун Эхийн сүнсийг хүндэтгэн залдаг.

Nguyen Trung Truc сүм

Ganh Dau тосгонд орших энэхүү сүм нь Францын колончлолын эсрэг тэмцэгч үндэсний баатарт зориулсан. 8-р сард түүний дурсгалыг хүндэтгэн олон нийтийн баяр, зан үйлийг зохион байгуулдаг.

Cao Dai сүм

Вьетнамын өвөрмөц Као Дай шашныг төлөөлдөг сүм. Буддизм, Христ, Даосизмын элементүүдийг нэгтгэсэн энэ шашин нь сонирхолтой зан үйл, өнгөлөг архитектуртай. Өдөр бүрийн мөргөл нь үзэхэд үнэхээр сонирхолтой байдаг.

Coi Nguon музей

Энэ музей нь Phu Quoc арлын геологийн үүсэл, олон соёлын нэгдлийг харуулсан 3000 гаруй эд өлгийн зүйл хадгалдаг. Кинь, Хятад, Хмер зэрэг үндэстнүүдийн нөлөө, мөн далайн амьдралын түүхийг дэлгэн үзүүлдэг.

Phu Quoc театр

Эртний усан хүүхэлдэйн театрт Вьетнамын ардын үлгэр, түүхийг хөгжим, дуу бүжигтэйгээр амилуулдаг. Усан хүүхэлдэйн урлаг нь 11-р зуунд үүссэн бөгөөд Phu Quoc театрт орчин үеийн тайзнаа амилдаг.

2.7. Нууцлаг үзэсгэлэнт газруудыг нээх нь

Phu Quoc-ийн алдаршсан далайн эрэг, амралтын баазуудаас гадна байгалийн үзэсгэлэн, уламжлалт соёлыг таниулах далд эрдэнэсүүд бий.

Уулын горхи, байгалийн усан санд сэлэх

Tranh горхи олон үе шаттайгаар урсаж, байгалийн усан сангууд үүсгэдэг. Харин Da Ban горхи нь хад чулуу ихтэй, ой модоор хүрээлэгдсэн бөгөөд тайван алхалт, пикник хийхэд тохиромжтой.

Эко-аж ахуйн болон загасны сүмсийн үйлдвэрүүд

Phu Quoc арлын газар тариалан нь хар перец, зөгий үржүүлэг, уламжлалт загасны сүмсээр алдартай. Bee Farm-д зөгийн балны үйл явцтай танилцаж, амтлах боломжтой. Загасны сүмсийн үйлдвэрүүдэд очиж уламжлалт исгэх аргыг үзэж болно.

Байгальд хөтлөх замууд

Phu Quoc үндэсний цэцэрлэгт хүрээлэн нь Bai Thom, Cua Duong, Ham Ninh, Ganh Dau зэрэг бүсүүдэд ойн жим, уулын зам, намаг, ширэнгэн ойгоор дамжин туулах байгальтай холбодог. Энд маш олон төрөл зүйлийн амьтан, ургамал амьдардаг.

Зах, загасчдын тосгонууд

Duong Dong зах, Phu Quoc шөнийн захууд нь шинэхэн далайн бүтээгдэхүүн, жимс жимсгэнэ, гудамжны хоол санал болгодог. Cua Can, Rach Tram, Ham Ninh зэрэг загасчдын тосгонууд уламжлалт завь, тор засвар, өглөөний загас хуваарилалт зэргийг жуулчдад үзүүлдэг.

 

Фукуок нисэх онгоцны буудал, шууд нислэгийн хуваарь, дэд бүтэц зэрэг мэдээлэл нь аялалаа эхлэхээсээ өмнө жуулчдын хамгийн их сонирхдог зүйлсийн нэг юм. Тиймээс энэхүү нийтлэлийг бүрэн уншиж, ирэх аялалдаа сайтар бэлдэхэд туслах хэрэгтэй мэдээллийг аваарай.

1.Фукуок Олон Улсын Нисэх Онгоцны Буудлын тухай
Фукуок нисэх буудал нь албан ёсоор Фукуок олон улсын нисэх онгоцны буудал (PQC) нэртэй. Энэ нь Вьетнамын өмнөд хэсэгт баригдсан гурав дахь олон улсын нисэх онгоцны буудал юм. Буудал нь Фукуок хотын Дыонг То коммуны нутагт байрладаг бөгөөд аялал жуулчлалын гол цэгүүд рүү хүрэхэд тохиромжтой байршилтай. Энэхүү буудал нь Боинг 777, 747-400 зэрэг том онгоцуудыг хүлээн авах хүчин чадалтай бөгөөд дотоод, олон улсын агаарын тээврийн чухал төв болон хөгжсөн байна.

Нисэх буудлын нэр	Phu Quoc International Airport (PQIA)
Байршил	( Дыонг То, Фукуок хот, Киен Жианг муж ) Duong To Commune, Phu Quoc City, Kien Giang Province
Холбоо барих	(0773) 3.848.077
Нислэгийн код :	PQC
GMT time	+7

2. Фукуок нисэх буудлаас хотын төв рүү хэрхэн явах вэ?
Нисэх буудлаас хотын төв рүү явахад ойролцоогоор 30-40 минут орчим үргэлжилдэг бөгөөд дараах тээврийн хэрэгслүүд ашиглах боломжтой:

2.1 . Автобус Нисэх онгоцны буудлаас арлын төв хүртэл зорчиход автобус хамгийн хямд сонголт юм. Нэг удаагийн аяллын үнэ 15,000-аас 40,000 VND хүртэл хэлбэлздэг. Гэсэн хэдий ч автобус олон газар зогсож зорчигчдыг суулгаж буулгадаг тул аяллын хугацаа урт байдаг. Хэрэв та яараагүй бөгөөд мөнгөө хэмнэхийг хүсэж байвал автобус нь хэмнэлттэй сонголт болно.

VinBus 17: Phu Quoc Airport – Phu Quoc United Center (Vinpearl Phu Quoc, Grand World Phu Quoc)	Free	30-15-60 minutes	12:10 AM	11:55 PM
VinBus 19: InterContinental – Phu Quoc International Airport – Grand World Phu Quoc	Free	160-40 minutes	12:00 AM	9:20 PM
Phu Quoc Airport – Duong Dong Ward	25,000 VND/ trip	Every 20 minutes	6:00 AM	6:00 PM
Phu Quoc Airport – Bai Vong Port	20,000 VND/ trip	Every 30 minutes	7:00 AM	3:40 PM
Phu Quoc Airport – An Thoi Ward	20,000 VND/ trip	Every 20 minutes	6:00 AM	6:00 PM
Phu Quoc Airport – Hon Thom	40,000 VND/ trip	Every 30 minutes	8:00 AM	12:00 PM

Фукуокын нисэх буудлаас Phu Quoc United Center хүртэл үнэгүй VinBus үйлчилдэг бөгөөд энэ нь хэмнэлттэй, таатай зорчих арга юм.

2.2. Такси
Такси нь ачаа тээштэй үед явахад тохиромжтой, хурдан арга юм. Зуун Дунг дүүрэг рүү явахад таксиний үнэ нэг удаагийн аялалд 180,000–220,000 VND байдаг. Гол такси компаниудын тоонд Xanh SM, Mai Linh, Vinasun, Saigon Taxi болон Phu Quoc Taxi багтдаг. Мөн XanhSM гэх байгальд ээлтэй такси дуудлагын үйлчилгээг ашиглах боломжтой.

2.3. Нисэх буудлын шаттл үйлчилгээ
Олон агаарын тээврийн компаниуд болон амралтын газрууд шаттл үйлчилгээ үзүүлдэг ба энэ нь тав тухтай шилжилт хийхэд тусалдаг. Жишээлбэл, Vinpearl Phu Quoc зочид буудлууд нисэх буудлаас амралтын газар хүртэл тав тухтай, хувийн автомашины үйлчилгээг санал болгодог. Эдгээр үйлчилгээ нь урьдчилан захиалагддаг тул таны аяллыг төвөггүй эхлүүлэхэд тохиромжтой. Машинууд сайн засварлагдсан байдаг бөгөөд жолооч нар нь мэргэжлийн, тав тухтай аяллыг хангадаг.

2.4. Мотоциклийн түрээс
Мотоцикл түрээслэх нь чөлөөтэй, уян хатан аялах боломж олгодог. Түрээсийн үнэ өдөрт 100,000–180,000 VND-ийн хооронд хэлбэлздэг. Олон түрээсийн үйлчилгээ мотоциклийг шууд нисэх буудал дээр хүргэж өгдөг. Энэ нь хөнгөн ачаатай, өөрийн хурдаар аялмаар байгаа хүмүүст тохиромжтой сонголт юм.

2.5. Мото такси
“Xe ôm” гэж нэрлэгддэг мото такси нь нисэх буудлын хаалганы баруун талд байрлах гадаа зогсоолд байдаг. Зуун Дунг дүүрэг рүү явах тарифа нь нэг удаагийн аялалд ойролцоогоор 60,000–70,000 VND байдаг. Энэ нь ганцаараа аялж буй эсвэл орон нутгийн уур амьсгалыг мэдрэхийг хүссэн хүмүүст тохиромжтой, хурдан сонголт юм. Үнэ дээр урьдчилан тохиролцохоо мартуузай.

 

3. Фукуокын олон улсын нисэх буудлын нислэгүүд

Дотоодын нислэгүүд
Фукуок руу чиглэсэн дотоодын нислэгүүд одоогоор 3 өөр чиглэлээр үйлдэгдэж байна. Нийт 3 агаарын тээврийн компани Фукуок руу нислэг үйлдэж байгаа бөгөөд өдөрт 18 хүртэлх нислэг хийгддэг. Агаарын тээврийн компанийн хувиар нислэгийн давтамж дараах байдалтай байна:

• Vietnam Airlines: өдөрт 7 нислэг

• Vietjet Air: өдөрт 10 нислэг

• Vietravel Airlines: өдөрт 1 нислэг

Фукуокын нисэх буудал руу чиглэсэн нислэгүүд
Фукуокын нисэх буудал нь дотоодын болон олон улсын олон нислэг хүлээн авдаг бөгөөд Вьетнамын томоохон хотууд болон олон улсын гол цэгүүдээс өдөр тутмын шууд нислэгтэй (Эх сурвалж: Хураангуй мэдээлэл).

Олон улсын нислэгүүд
Фукуокын нисэх буудалд газардах олон улсын нислэгүүд нь Хонконг, Бээжин, Бусан, Бангкок, Сөүл зэрэг хотоос ирдэг. Vietjet Air, Korean Air, Thai Airways, China Airlines болон бусад зарим агаарын тээврийн компани эдгээр чиглэлээр нислэг үйлдэж байна.

Дэлгэрэнгүй мэдээлэл үзэх:

• Да Нангаас Фукуок хүртэлх нислэг: Анх удаа нисэж буй хүмүүст зориулсан заавар

• Хо Ши Мин хотоос Фукуок руу нисэх: Үргэлжлэх хугацаа, авиакомпаниуд, үнэ тариф гэх мэт

• Ханойгоос Фукуок руу нислэг: Шууд нислэгүүд, цагийн хуваарь, тасалбарын үнэ болон бусад

4. Фукуокын нисэх онгоцны буудлын бүтэц ба дэд бүтэц
Фукуокын нисэх онгоцны буудал нь олон улсын 4E зэрэглэлийн буудал бөгөөд 3,000 метр урт, 45 метр өргөн хөөрч, буух зурвастай, оргил ачааллын үед 14 онгоц нэгэн зэрэг зогсох боломжтой. 2012 онд ашиглалтад орж, 2018 онд өргөтгөгдсөн зорчигчдын терминал анх жилд 2.65 сая зорчигч хүлээн авах хүчин чадалтай байсан бөгөөд дараа нь 4 саяд хүргэж нэмэгдүүлсэн. 2022 оны байдлаар уг буудал нь жилд 5.5 сая гаруй зорчигч хүлээн авч, өдөрт 90–100 нислэг үйлдэж байна.

24,325 м.кв талбай бүхий зорчигчдын терминал нь дотоодын болон олон улсын нислэгийн зорчигчдод зориулагдсан бөгөөд ирэх, явах чиглэл тус бүрийн бүсийг тусгаарлан зохион байгуулсан. Энэ зохион байгуулалт нь зорчигчдын урсгалыг оновчтой зохицуулж, олон нийтэд нээлттэй хэсгээс явах танхим руу нэг чигийн тодорхой замаар ая тухтай, хялбар зорчих боломжийг бүрдүүлдэг.

Терминал нь хоёр давхраас бүрдэнэ:

Нэгдүгээр давхар:
Ирж буй зорчигчдод үйлчлэх зориулалттай энэ давхарт тээш олгох бүс, гаалийн хяналт, техникийн өрөөнүүд, дэлгүүрүүд болон хоолны үйлчилгээний газрууд байрладаг. Энэ давхар нь дотоодын болон олон улсын ирэлтүүдийг хүлээн авах зориулалттай бөгөөд зорчигчдын бүртгэл, шалгалтыг хурдан, хялбар болгоход чиглэсэн.

5. Фукуокын олон улсын нисэх буудал ямар үйлчилгээ үзүүлдэг вэ?
Нисэх буудалд олон төрлийн үйлчилгээ байдаг. Тухайлбал, зорчигчдын амарч хүлээх боломжтой хоёр дэлгүүр дотор Фукуокын нисэх буудлын амралтын танхимууд (lounge) байрладаг. Та нислэгээ хүлээх хугацаандаа эдгээр газруудад шоппинг хийх эсвэл зүгээр л тэнгэр өөд харж амрах боломжтой. Эдгээр дэлгүүрүүдэд гар урлалын бүтээгдэхүүн, футболка, сувдан гоёл чимэглэл, согтууруулах ундаа зэрэг голчлон худалдаалагддаг.

Явах танхимд хоёр кофе шоп, нэг вьетнам ресторан, мөн Burger King байрладаг бөгөөд зорчигчид нислэгтээ суухаас өмнө өлсгөлөн, цангаагаа тайлах төрөл бүрийн сонголттой.

Нисэх буудлын тээвэрлэлтийн тухайд гэвэл, ирэх танхимын урд хэсэгт такси, Фукуок нисэх буудлын автобус, эсвэл мото такси (xe ôm) зэрэг унааг хялбархан олж болно. Тээврийн үнэ таны очих газраас хамааран өөрчлөгдөх бөгөөд ихэвчлэн нэг удаагийн аялалд 5–30 ам.доллар байдаг. Үүн дээр нэмэгдээд 1 ам.долларын нисэх буудлын хураамж төлдөг.

6. Аяллыг төгс болгох чухал зөвлөмжүүд
Нисэх буудалд ирсний дараа аяллаа саадгүй, таатай өнгөрүүлэхэд тань туслах дараах зөвлөмжүүдийг хүргэж байна:

• Нислэгтэй холбоотой мэдээлэл (нисэх, буух цаг, бүртгэлийн үйл явц гэх мэт)-ийг зорчигчдын терминалын 1-р давхарт байрлах бүртгэлийн лангуунаас асуух эсвэл нисэх буудлын мэдээллийн утас: 0297 3848 486 дугаарт залгаж авч болно.

• Терминалд Star Cafe, Espresso Cafe, Big Bowl Restaurant, Hoa Sim Restaurant зэрэг хоол, уух зүйлсээр үйлчилдэг газрууд ажиллаж байна.

• Фукуокын нисэх буудалд дараах гол үйлчилгээ бий:

  • Эрүүл мэндийн үйлчилгээ

  • VIP амралтын танхим

  • АТМ машинууд

  • Валют арилжаа

  • Автобусны тасалбарын касс

Ойролцоох алдартай аялал жуулчлалын газрууд:

• Сао Бич (Starfish Beach) – 29 км зайтай:
  Гялалзсан цагаан элс, тунгалаг цэнхэр устай энэхүү далайн эрэг нь амралт, усанд сэлэхэд тохиромжтой тайван газар юм.

• Хам Нин загасчны тосгон – 8 км зайтай:
  Орон нутгийн амьдралыг мэдрэх, тэнгисийн гайхамшигт үзэмжийг харах боломжтой энэхүү жинхэнэ загасчны тосгонд шинэхэн далайн бүтээгдэхүүнийг захуудаас худалдан авч болно.

• Фукуокын шорон – 16 км зайтай:
  Вьетнамын дайны үеийн түүхийг өгүүлдэг музейтэй, тус арлын өнгөрсөн түүхийг танилцуулах ач холбогдолтой газар юм.

• VinWonders Phu Quoc – 32 км зайтай:
  Вьетнамын хамгийн том сэдэвчилсэн парк бөгөөд төрөл бүрийн бүс, сэтгэл хөдөлгөм тоглоомууд, нас бүхэнд тохирсон үзүүлбэрүүдтэй.

• Vinpearl Safari Phu Quoc – 35 км зайтай:
  Вьетнамын анхны хагас зэрлэг амьтдын хүрээлэн бөгөөд энд зэрлэг амьтдыг байгалийн орчинтой төстэй орчинд үзэх боломжтой, гэр бүлээрээ зочлоход тохиромжтой газар юм.

6-р сар бол борооны улирал бүрэн эхлээгүй байдаг тул Фү Куокт нар жаргахыг тольдох хамгийн тохиромжтой үе юм. Нар жаргах хамгийн үзэсгэлэнтэй мөчүүд дараах цагуудад тохиолддог:

• 17:10 – 17:20: Нар тод гялалзан байхад тэнгэр гайхамшигтай алтан өнгөөр буддаг.
• 17:20 – 17:35: Тэнгэр дулаахан улбар шар өнгөөр хувирч, нарны гэрэл зөөлөн, урин болдог.
• 17:35 – 17:55: Нар жаргах хамгийн гайхамшигтай үе. Энэ үед тэнгэр сэтгэл татам ягаан ба улбар шар өнгөөр хувирна. Эхний 10 минутад нар хамгийн том, дугуй хэлбэртэй харагдаж, зүүд зэрэглээ мэт ягаан туяагаар гэрэлтдэг.
• 17:55 цагаас хойш: Нар аажмаар тэнгэрийн хаяанд шингэж, үлдсэн үүлс ягаан, ягаавтар туяагаар чимэглэгдэн, үзэсгэлэнтэй үдэш болохыг илтгэнэ.

Фү Куокт нар жаргахыг бүрэн дүүрэн мэдрэхийн тулд дараах зүйлсийг авч яваарай:

• Камер/гар утас – Нар жаргах гайхамшигт агшныг буулгах.
• Нарнаас хамгаалах тос ба нарны шил – Үлдэгдэл нарны гэрлээс арьс болон нүдээ хамгаалаарай.
• Хөнгөн хувцас – Халуун, чийглэг уур амьсгалд тохиромжтой, сэрүүхэн хувцас өмсөөрэй.
• Шумуул үргээгч – Ялангуяа далайн эрэг дээр шумуулнаас хамгаалахад хэрэгтэй.
• Ус ба хөнгөн зууш – Нар жаргахыг ажиглахдаа цангаж, ядарч болзошгүй тул бэлэн байгаарай.

Эдгээр зүйлсийг авч явснаар та ямар ч саадгүй, сэтгэлд хоногшихуйц нар жаргах мөчийг эдлэх болно. Фү Куокт нар жаргах үеэр хийж болох олон сонирхолтой зүйлс байдаг:

• Далайн эргийн оройн хоол – Шинэхэн далайн бүтээгдэхүүнээр бэлтгэсэн хоол зооглонгоо нар жаргах үзэмжийг таашаагаарай.
• Каяак болон завины аялал – Нам гүм усан дээгүүр каяак эсвэл завиар аялж, тэнгэрийн өнгө хэрхэн хувирч байгааг харж болох гайхалтай туршлага.
• Гэрэл зураг авах – Нар жаргахын өмнөх “алтан цаг”-т тэнгэр ба далайны өнгө гайхалтай болдог тул зураг авахад хамгийн тохиромжтой үе.
• Эрэг дагуух алхалт – Тэнгэрийн хаяа руу алхацгаангаа тайвшрах сайхан боломж.
• Sunset bars – Эргийн баарт орж, сэрүүн коктейль шимэнгээ нарны жаргал үзэн амрах боломжийг алдаарай.

Вьетнамын хуримын газрууд дундаас Фукуок арал нь хосуудын дунд улам бүр алдартай болж байна. Нарлаг тэнгэр, тунгалаг устай далай, намуухан давлагаа, цасан мэт зөөлөн элс зэрэг онцлогтой энэхүү халуун бүсийн арал нь таны мөрөөдлийн далайн эргийн хурим хийхэд төгс тохирно. Фукуокын эргээр тансаг зэрэглэлийн амралтын газрууд эгнэсэн байх бөгөөд хосуудын хүсэл, хэв маягт нийцэх олон сонголттой.

🌴 Олон улсын хосуудын сонголт

Өнөөдөр дэлхийн өнцөг булан бүрээс ирсэн олон хосууд хуримаа Фукуок дээр хийхээр сонгож байна. Учир нь энд хурим хийхэд тохирсон үзэсгэлэнт байгаль, найдвартай үйлчилгээ, өргөн сонголттой амралтын газрууд бүрэн бий.

📍 Байршлын онцлог

Хэрэв та хөдөлгөөнтэй, хот шиг уур амьсгалтай орчныг хүсэж байвал Duong Dong хороолол таны хувьд хамгийн тохиромжтой. Фукуокын хойд хэсэгт байрлах энэ бүс нь том гэр бүлүүд, адал явдал сонирхогчдод төгс тохирох бөгөөд зугаа цэнгэлийн цогцолбор, амьтны хүрээлэн, эрч хүчтэй наран шарлагын газруудтай ойр байрладаг. Харин Фукуокын өмнөд хэсэг нь өвөрмөц сэдэвчилсэн хурим зохион байгуулахыг хүсэгчдэд илүү тохиромжтой орчин бүрдүүлдэг.

🛂 Визгүй зорчих онцгой давуу тал

Фукуок нь Вьетнамын дотроос гадаадын жуулчдад визгүй зорчих боломж олгодог цорын ганц бүс нутаг юм. Жуулчид 30 хүртэл хоног визгүйгээр арлыг зорих боломжтой бөгөөд энэ нь хуримын зочид, гэр бүл, найз нөхөд, хөтөлбөрт оролцогчдод маш их хялбарчлал авчирдаг.

💍 Хурим + Шинэ амьдралын эхлэл

Фукуок нь хуримын дараах бал сарын аялал хийхэд хамгийн тохиромжтой газар. Шинэ хосууд Bai Dai, Sao Beach зэрэг нам гүм, үзэсгэлэнт эргээр амарч, адал явдалт усан спорт, ой мод, хүрхрээг судлах зэрэг гайхалтай аяллуудыг хийж болно. Хоолны амтанд дурлагчдад Фукуокын хар перец, загасны сүмс, далайн шинэ бүтээгдэхүүнүүд мартагдашгүй сэтгэгдэл үлдээдэг.

🎉 Зугаа цэнгэл, үзвэрийн төвүүд

Хуримын дараа болон зочдод зориулсан хөгжилтэй үйл ажиллагаанууд ч Фукуокт хангалттай бий. Та дараах газруудаар зочлоорой:

• VinWonders Phu Quoc – Вьетнамын хамгийн том сэдэвт парк
• Vinpearl Safari – Зэрлэг амьтдын хүрээлэн
• Grand World Phu Quoc – Хөгжим, гэрэл, урлагийн хослол бүхий The Quintessence of Vietnam тоглолтын төв

✨ Төгс хуримын диваажин

Фукуок бол зүгээр нэг амралтын газар биш — энэ бол таны амьдралын хамгийн чухал өдрийг дурсамж дүүрэн, төгс зохион байгуулах диваажин юм. Хосуудын хүсэлд нийцсэн үйлчилгээ, байгалийн үзэсгэлэнт орчин, зочдын тав тухыг хангасан орчин, үйл ажиллагааны өргөн сонголт гээд таны хуримын бүх зүйл энд бүрэн бий.

 

Та Фукуокт хуримаа хийх үү?
Тэгвэл одоо төлөвлөж эхэл!